اے خدا میں ہو ں نا چیز بندہ تِرا اور تومالکِ کُل ہے مختار ہے

اے خدا میں ہو ں نا چیز بندہ تِرا اور تومالکِ کُل ہے مختار ہے

غم کا مارا ہوں میں ، بے سہارا ہوں میں ، میرے اللہ تو ہی مددگار ہے

ہے ہر اک سمت طوفانِ رنج و الم ، جس دیکھئے دکھ ہی دکھ غم ہی غم

میرے معبود ہو اب نگاہِ کرم سر پہ لٹکی ہوئی غم کی تلوار ہے

تو ہی ظاہر ہے اور تو ہی مستور ہے ، سب ترا رنگ ہے سب ترا نور ہے

دل میں رہ کے بھی توآنکھ سے دور ہے ، کیسا پردہ ہے یہ کیسی دیوار ہے

کون ہے تیرے بندوں کا تیرے سوا، تیرے بندوں کو ہے بس ترا آسرا

تو ہی حاجت روا، تو ہی مشکل کُشا، تو ہی رزاق ہے ، تو ہی ستار ہے

روح کوآئینے کی ادا بخش دے، زندگی کو شعورِ وفا بخش دے

میرے اللہ اس کی خطا بخش دے ، تیرا قیصرؔ بہت ہی گنہگار ہے