فخرِ محراب و منبر پہ لاکھوں سلام
فخرِ محراب و منبر پہ لاکھوں سلام
سب سے پیارے پیمبر پہ لاکھوں سلام
ساقیِ حوضِ کوثر پر لاکھوں سلام
شافعِ روزِ محشر پہ لاکھوں سلام
زورِ بازو میں ہے زور اللہ کا
فاتحِ بابِ خیبر پہ لاکھوں سلام
اس کے سائے میں اسلام پھولا پھلا
سیدہ تیری چادر پہ لاکھوں سلام
ہم غریبوں کی بخشش کا ضامن ہے یہ
سجدۂ ابن حیدر پہ لاکھوں سلام
جس کا بصریؔ لقب ہے ، حسنؒ نام ہے
اُ س علی کا گل تر پہ لاکھوں سلام
شاہِ بغداد کا در ہے منزل مری
شاہِ بغداد کے در پہ لاکھوں سلام
شاہِ اجمیر کا گھر تجلی کا گھر
شاہِ اجمیر کے گھر پہ لاکھوں سلام
دونوں عالم ہیں قیصرؔ نبی کے لئے
آپ کی ذاتِ اطہر پہ لاکھوں سلام
- کتاب : روشنی کی بات (Pg. 164)
- Author : قیصر صدیقی
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
