نبی عنواں ہیں جس کے ، وہ فسانہ سب سے بہتر ہے

نبی عنواں ہیں جس کے ، وہ فسانہ سب سے بہتر ہے

چھڑا جو سازِ قدرت پر ترانہ سب سے سے بہتر ہے

ہے جس پر گیسوئے رحمت وہ شانہ سب سے بہتر ہے

ہے جس میں دولتِ حق وہ خزانہ سب سے بہتر ہے

دو عالم میں محمد کا گھرانہ سب سے بہتر ہے

بہ نام کوثر و زم زم ، شراب نورپینے چل

جنونِ شوق کے ہاتھوں جگر کے چاک سینے چل

وہاں پائے گا تو انوارِ یزداں کے خزینے چل

یہ در در کا بھٹکنا چھوڑ، چل اے دلِ مدینے چل

محمد مصطفیٰ کا آستانہ سب سے بہتر ہے

رسول اللہ کی الفت ہے جاں میرے فسانے کی

حفاظت برق خود کرتی ہے میرے آشیانے کی

یہ دنیا کرتی ہے کوشش مجھے کیا آزمانے کی

میں لے کر کیا کروں گا نعمتیں سارے زمانے کی

غم عشق محمد کا خزانہ سب سے بہتر ہے