دل میرا غموں سے ہے پریشان نبی جی

دل میرا غموں سے ہے پریشان نبی جی

کر دیجئے مشکل مری آسان نبی جی

کچھ ہے تو یہی ہے مرا ارمان نبی جی

نکلے درِ اقدس پہ مری جان نبی جی

جب تک نہ ملے آپ کی نظروں کا سہارا

کیسے ہو مکمل مرا ایمان نبی جی

انوار میں ڈوبا ہوا یہ آپ کا چہرہ

ہے میری نظر کے لئے قرآن نبی جی

رودادِ الم کس کو سناؤں مرے آقا

ہے کون یہاں میرا نگہبان نبی جی

فردوس کی حوریں درِ اقدس کی کنیزیں

جبریلِ امیں آپ کا دربان نبی جی

روشن ہوئی تقدیر گنہگاروں کی قیصرؔ

جس وقت ہوئے عرش کے مہمان نبی جی