غریبوں کی بیچارگی کا مداوا ، مدینے میں ہے

غریبوں کی بیچارگی کا مداوا ، مدینے میں ہے

وفاؤں کا قبلہ ، محبت کا کعبہ، مدینے میں ہے

بلا کر جسے عرشِ اعظم پہ رب نے لگایا گلے

خدا کا وہ محبوب، شاہ مدینہ مدینے میں ہے

کبھی جس کی چوکھٹ سے کوئی سوالی نہ خالی گیا

وہ بیکس کا والی ، غریبوں کا داتا، مدینے میں ہے

زمانہ جسے ڈھونڈتا پھر رہا ہے زمیں تا فلک

شبِ زندگی کا وہ روشن سویرا مدینے میں ہے

یہ دل اپنا قیصرؔ نہ کیسے مدینہ مدینہ کرے

وہ خیر البشر ، ہم غلاموں کاآقا مدینے میں ہے