ضیائے راجپوتانہ ضیاؤالدین جے پوری

ضیائے راجپوتانہ ضیاؤالدین جے پوری

ملے اک جام مستانہ ضیاؤالدین جے پوری

عجب ہے فیض کا عالم مٹائے سیکڑوں کے غم

دکھایا لطفِ شاہانہ ضیاؤالدین جے پوری

کسی مقصد سے آیا ہے کوئی امید لایا ہے

یہ دیوانوں کا دیوانہ ضیاؤالدین جے پوری

زمانے بھر کی سنتے ہو مری بھی غرض سن لیجئے

ہے اک پُر درد افسانہ، ضیاؤالدین جے پوری

مری مشکل نہیں مشکل نہ ہو آساں جو اس در پر

یہ ہے دربارِ شاہانہ ضیاؤالدین جے پوری

تمہارا آستاں ڈھونڈھا تمہارا آسرا پکڑا

رہوں کب تک میں بیگانہ ضیاؤالدین جے پوری

تو پھر کیا دیر ہے کیوں عرض پوری کی نہیں جاتی

دکھا دو شانِ شاہانہ ضیاؤالدین جے پوری

شکایت ہے نہ شکوہ ہے فقط عرض تمنا ہے

ہے اک عرضِ غلامانہ، ضیاؤالدین جے پوری

جو کوئی سن نہیں سکتا جو کوئی کہہ نہیں سکتا

وہ ہے قاتل کا افسانہ ضیاؤالدین جے پوری