شہنشاہِ تصوف آپ ہیں، سالارِ منزل ہیں

شہنشاہِ تصوف آپ ہیں، سالارِ منزل ہیں

دل و جاں سے تصدق ہیں، نثارِ پیر کامل ہیں

رموزِ عشق سے واقف شناسائے حقائق بھی

قلم سے آشکارا ہیں مضامینِ دقائق بھی

کتاب ’’سرِّ ہستی‘‘ اس طرح سے آپ نے لکھی

ہوئی تشریح کامل بالیقیں راز حقیقت کی

امینِ رازِ باطن، حاملِ کشف و کرامت بھی

امیرِ گنجِ معنیٰ صاحبِ فن عیارت بھی

کہوں کیا میں ؟ عیاں ہے آپ پر اسرار روحانی

لکھوں کیا میں ؟ نہاں ہے آپ میں انوار یزدانی