قدوۂ اہلِ صفا ہو یا معین الدیں حسن
دلچسپ معلومات
منقبت درشان غریب نواز خواجہ معین الدین چشتی (اجمیر-راجستھان)
قدوۂ اہلِ صفا ہو یا معین الدیں حسن
پیشوائے اؤلیا ہو یا معین الدیں حسن
محوِ ذاتِ کبریا ہو یا معین الدیں حسن
وقفِ تسلیم و رضا ہو یا معین الدیں حسن
کیوں نہ برسے نورِ رحمت رات دن درگاہ پر
مطرح لطفِ خدا ہو یا معین الدیں حسن
آپ کے صدقے سے صدہا کشتیاں ہوتی ہیں پار
بیکسوں کے نا خدا ہو یا معین الدیں حسن
حادثاتِ چرخ سے ہم بے خطر کیونکر نہ ہوں
دافعِ رنج و بلا ہو یا معین الدیں حسن
ہند میں رائج ہے سکہ آپ سے اسلام کا
نورِ دیں شمعِ ہدیٰ ہو یا معین الدیں حسن
قبلہ گاہِ ہفت کشور کیوں نہ ہو یہ آستاں
چشمۂ لطف و عطا ہو یا معین الدیں حسن
آستانہ آپ کا دار الشفائے خلق ہے
ہر مرض کی تم دوا ہو یا معین الدیں حسن
کیوں نہ لائے کھینچ کر جذبِ عنایت آپ کا
کاہ میں تم کہربا ہو یا معین الدیں حسن
روضۂ انور تجلی خیز پھر کیونکر نہ ہو
سر بسر نورِ خدا ہو یا معین الدیں حسن
ہوں بیاں کیونکر جمالیؔ سے مناقب آپ کے
نورِ چشمِ مصطفیٰ ہو یا معین الدیں حسن
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
