رخ کے انوار کو دیکھ کر مصطفیٰ
رخ کے انوار کو دیکھ کر مصطفیٰ
صدقے ہوتے ہیں شمس و قمر مصطفیٰ
رب نے یٰس طہٰ پکارا تمہیں
سارے نبیوں میں ہے مفتخر مصطفیٰ
جسم اطہر کا سایہ نہ تھا آپ کے
کون ہوتا ہے ایسا بشر مصطفیٰ
رب نے فرمایا لین سے عرش پر
آیئے آئیے بے خطر مصطفیٰ
اڑ کے قدموں میں آؤں مری ہے دعا
دیجیے مجھ کو کچھ ایسے پر مصطفیٰ
کیا اللہ نے ان پہ دوزخ حرام
جس پہ ڈالیں کرم کی نظر مصطفیٰ
خاک طیبہ کی آنکھوں پہ رکھ لوں گا میں
جب مدینے کا ہوگا سفر مصطفیٰ
بگڑی قسمت بھی میری سنور جائے گی
’’ڈال دیجے کرم کی نظر مصطفیٰ‘‘
لاج قادرؔ کی محشر میں رکھ لیجیے
مجھ گنہگار پر ہو نظر مصطفیٰ
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
