جلوۂ نورِ خدا ہیں اور معشوقِ خدا

جلوۂ نورِ خدا ہیں اور معشوقِ خدا

عاشق رب علا ہیں اور معشوقِ خدا

نور چشمِ مصطفیٰ ہیں اور معشوق خدا

لپذیر مرتضیٰ ہیں اور معشوقِ خدا

قرۃِ عینِ بتول و راحتِ جانِ حسن

نسلِ شاہ کربلا ہیں اور مشوقِ خدا

سیدِ احمد رفاعی غوث اعظم بالیقین

قطب اقطاب ہدیٰ ہیں اور معشوقِ خدا

سرور کل اؤلیا غوثِ الرفاعی دستگیر

پیشوائے پیشوا ہیں اور معشوقِ خدا

مرشدِ اہلِ ولادت پیر پیرانِ جہاں

مقتدائے مقتدا ہیں اور معشوقِ خدا

دست بوسی سے ہوئے احمد کے احمد سربلند

اس لیے شاہِ ہدیٰ ہیں اور معشوقِ خدا

مرتضیٰ کی خاص ہیں دلبندے میر دستگیر

مصطفیٰ کے دلربا ہیں اور معشوقِ خدا

ہر مصیبت میں مدد ان کی ہے ہم پر کیوں کہ وہ

حامیِ روزِ جزا ہیں اور معشوقِ خدا

دستگیری آپ کو محشر میں میری ہے ضرور

آپ میرے رہنما ہیں اور معشوقِ خدا

خوف کیا محشر میں اے عابدؔ کہ بے شک شاہ و بن

دستگیر دوسرا ہیں اور معشوقِ خدا