پیش جمال روئے منور صلی اللہ علیہ وسلم
پیش جمال روئے منور صلی اللہ علیہ وسلم
چھپ گئے تارے چرخ بریں پر صلیٰ اللہ علیہ وسلم
آپ کی زلفیں دامنِ رحمت آپ کا چہرہ جلوہ وحدت
ابر میں جیسے ماہ منور صلی اللہ علیہ وسلم
تجھ کو قسم دربار نبی کی باد صبا آمیری طرف بھی
چوم کر ان کی زلف معنبر صلی اللہ علیہ وسلم
ہند میں اب دشوار ہے جینا لاکھ ستم ہیں شاہ مدینہ
ایک ہمارے قلب حزیں پر صلی اللہ علیہ وسلم
چرخ بریں پر کوئی نہیں ہے فرش زمیں پر کوئی نہیں ہے
آپ سے بہتر آپ سے بڑھ کر صلی اللہ علیہ وسلم
حشر میں حیراں پھرتی ہے امت آپ کے سر ہے تاجِ شفاعت
مالک جنت ساقیٔ کوثر صلی اللہ علیہ وسلم
کس کو سنائے غم کا فسانہ خاک نشیں رسوائے زمانہ
ایک نظر اس رازؔ حزیں پر صلی اللہ علیہ وسلم
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
