جو کعبے کی دیوار و در دیکھ آئے
جو کعبے کی دیوار و در دیکھ آئے
نصیب اپنا وہ عرش پر دیکھ آئے
قدم چوم لینے کے قابل ہے اس کا
رسولِ خدا کا جو گھر دیکھ آئے
سبھی دیکھ سکتے نہ تھے ان کے جلوے
مگر ان کو اہل نظر دیکھ آئے
یہاں کا سویرا نہ بھائے گا ان کو
مدینے کی یہ دو پہر دیکھ آئے
یہ کیا دیکھ آئے درِ مصطفیٰ پر
جھکائے فرشتوں کو سر دیکھ آئے
وسیلہ بنا کر شہ دوسرا کو
دعا میں یہ اپنی اثر دیکھ آئے
منور ہے دل ان کا نور نبی سے
یہ طیبہ کی شام و سحر دیکھ آئے
تم اے رازؔ خلدِ بریں بھول جاؤ
اگر کملی والے کا گھر دیکھ آئے
مأخذ :
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
