رسول ہدیٰ کا کرم اللہ اللہ
رسول ہدیٰ کا کرم اللہ اللہ
ہوا دور اک اک الم اللہ اللہ
سوادِ حدودِ حرم اللہ اللہ
حدودِ حرم اور ہم اللہ اللہ
رہا اللہ اللہ کرم اس کا ہر دم
ہوا سہل کارِ عدم اللہ اللہ
معلم موحد مطہر معطر
وہ سالار ام الامم اللہ اللہ
ہمارا مددگار ہمدم ہمارا
رسول السلام و حکم اللہ اللہ
ممدِ ہر طرح مالکِ ملک اس کا
وہ سردارِ اہلِ ہمم اللہ اللہ
مددگار ہوگا وہ ہر کلمہ گو کا
لحد ہو کہ راہِ عدم اللہ اللہ
رہو محوِ مدحِ رسول دو عالم
ہو ہر لمحہ کارِ اہم اللہ اللہ
درود و سلام اس کا حصہ کہ اس کو
ملا صرحِ صدرِ ارم اللہ اللہ
دوعالم کا مولیٰ کہو اس کو راغبؔ
محمد مرادِ دلم اللہ اللہ
مأخذ :
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
