اے خدا، مالکِ زمان و مکاں

اے خدا، مالکِ زمان و مکاں

تو کہ ہے ماورائے وہم و گماں

حکمرانی میں تیری جن و ملک

دسترس میں تری زمین و فلک

تو سراپا جلال ہے یا رب

تو مجسم جمال ہے یا رب

چاند تاروں میں روشنی تجھ سے

سب نظاروں میں دلکشی تجھ سے

تو نے ذروں کو روشنی بخشی

خاک کو تونے زندگی بخشی

تو ہی اول ہے تو ہی آخر ہے

تو ہی پنہاں ہے تو ہی ظاہر ہے

رگِ جاں سے قریب تر تو ہے

ہر نفس میں تری ہی خوشبو ہے

ہر اشارے میں سو کر پنہاں

رحمتوں کا تری شمار کہاں