ہر انساں پر کھلا ہوا ہے جگ میں جن کا دوارا

ہر انساں پر کھلا ہوا ہے جگ میں جن کا دوارا

من درپن میں دیکھ رہا ہوں ان کا مکھڑا پیارا

اسی نبی کی امت ہیں ہم، اسی نبی کے پریمی

سب نبیوں سے اتم ہے جو سب نبیوں سے پیارا

جن کے کارن سبھا سجائی گئی ہے اس دنیا کی

ان کے ہی گن گائے نس دن جیون کا اک تارا

کیوں نا سیس جھکائے اس کے درپر ہر سنساری

جس نے دھرتی اور امبر پر پیا کا رنگ ابھارا

جس کا نام محمد بھی قرآں میں اور احمد بھی

جیون ساگر میں اپنی نیا کا کھیون ہارا

وہ جو خاورؔ روشنیوں کا سوامی بن کر آیا

سبھی دشاؤں کو گھیرے ہے اس کے نور کا دھارا