دل میں بسا کے دیکھ محبت رسول کی
دل میں بسا کے دیکھ محبت رسول کی
ہر ہر نفس سے آئے گی نکہت رسول کی
دونوں جہاں میں جس نے کیا سرخرو ہمیں
وہ دیں ہمیں ملا ہے بدولت رسول کی
انسانیت کے باب میں سوچے عمل کرے
ہے آدمی پہ فرض یہ سنت رسول کی
ہم کو تو آندھیوں نے بھی دی ہے یہی نوید
روشن رہے گی شمع ہدایت رسول کی
نام رسول پر نہ دھڑکتا یہ دل مرا
حاصل مجھے نہ ہو جو محبت رسول کی
سارے جہان ہی کو نوازا ہے آپ نے
ہم پر ہی اک نہیں ہے عنایت رسول کی
کیا دور ہے کہ قافلہ اہل دہر کو
ہر لمحہ چاہیے ہے قیادت رسول کی
خاورؔ وہ وقت عرصہ محشر کہیں جسے
ہر شخص کے لیے ہے عدالت رسول کی
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
