کس کا جمال ناز ہے جلوہ نما یہ سو بہ سو

کس کا جمال ناز ہے جلوہ نما یہ سو بہ سو

گوشہ بہ گوشہ در بدر قریہ بہ قریہ کو بہ کو

اشک فشاں ہے کس لیے دیدۂ منتظر میرا

دجلہ بہ دجلہ بم بہ یم چشمہ بہ چشمہ چو بہ چو

مری نگاہ شوق میں حسن ازل ہے بے حجاب

غنچہ بہ غنچہ گل بہ گل لالہ بہ لالہ بو بہ بو

جلوۂ عارض بنی رشکِ جمال یوسفی

سینہ بہ سینہ سر بہ سر چہرہ بہ چہرہ ہو بہ ہو

زلف دراز مصطفےٰ گیسوئے لیل حق نما

طرہ بہ طرہ خم بہ خم حلقہ بہ حلقہ مو بہ مو

یہ مرا اضطراب شوق رشک جنوں قیس ہے

جذبہ بہ جذبہ دل بہ دل شیوہ بہ شیوہ خوبہ خو

تیرا تصور جمال میرا شریک حال ہے

نالہ بہ نالہ غم بہ غم نعرہ بہ نعرہ ہو بہ ہو

بزمِ جہاں میں آج بھی یاد ہے ہر طرف تری

قصہ بہ قصہ لب بہ لب خطبہ بہ خطبہ رو بہ رو

کاش ہو ان کا سامنا عین حریمِ ناز میں

چہرہ بہ چہرہ رخ بہ رخ دیدہ بہ دیدہ و دیدہ

عالم شوق میں رئیسؔ کس کی تلاش ہے مجھے

خطہ بہ خطہ رہ برہ، جادہ بہ جادہ سو بہ سو