خوبی و حسن میں یکتا ہے وہ رخ
خوبی و حسن میں یکتا ہے وہ رخ
چشم بد دور تماشا ہے وہ رخ
ختم ہے اس پہ صفائی دیکھو
آئینہ سے بھی مصفا ہے وہ رخ
خوب مشاطہ نے آرائش کی
حسن افشاں سے مطلا ہے وہ رخ
خواب میں بھی ہے بندھا اس کا خیال
روز و شب آنکھوں میں رہتا ہے وہ رخ
خلد میں دیکھی نہ حور اس نے کبھی
جس کو باقیؔ نظر آتا ہے وہ رخ
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
