حال پر میرے کرم اے مرے مولیٰ کر دے

حال پر میرے کرم اے مرے مولیٰ کر دے

یاد سے اپنی تو روشن مرا سینہ کر دے

رات دن میں ترے محبوب کا جلوہ دیکھوں

یا خدا تو مجھے نزدیکِ مدینہ کر دے

میرا ہر لمحہ ہر اک سانس عبادت میں کٹے

میرے اللہ مجھے تو ایسا تو بندہ کر دے

کربلا والے شہدا کا بنوں میں خادم

دل میں وہ شوقِ شہادت مرے پیدا کر دے

حرمت و عزت و توقیرِ رسالت کے لیے

مرے اس عزم کا سامان مہیا کر دے

اہلِ بیتِ نبوی کا میں رہوں سائل در

اور اس دل کو فدا کارِ صحابہ کر دے

یہ گنہ گار رجبؔ ہے ترا محتاجِ کرم

لطف اس پر بہ طفیلِ شہ بطحا کر دے