اللہ کا کرم ہے سرکار کی عنایت

اللہ کا کرم ہے سرکار کی عنایت

سرکارِ غوثِ اعظم، خواجہ کی ہے کرامت

پیرانِ کالپی نے بخشی مجھے شفا ہے

اور دیتے ہیں دعائیں سب اؤلیائے ملت

میں بد ہوں بد سے بد ہوں لیکن مجھے خوشی ہے

سایہ کناں ہے مجھ پر دامانِ اعلیٰ حضرت

اس کی مثال یارو جھانسی میں کیا ملے گی

اس گھر کے سب مکینوں نے کی ہے جیسی خدمت

دل سے دعائیں دے کر میں آج جا رہا ہوں

اللہ سب کو رکھے با عافیت سلامت

مجھ بد سے بد رجبؔ کو تو رب شفا عطا کر

صدقہ میں اؤلیا کے کر مجھ پہ اپنی رحمت