haa.n vahii shabbiir jo thaa shiir-KHvaar-e-faatima

haa.n vahii shabbiir jo thaa shiir-KHvaar-e-faatima

ban gayaa hai ran me.n teG-e-aabdaar-e-faatima

karbalaa kaa Gam manaa.e.n Gam-gusaar-e-faatima

luT rahaa hai dasht me.n baaG-o-bahaar-e-faatima

KHuld kii huure.n tasadduq ho rahii hai.n har qadam

suu-e-jannat jaa rahaa hai shahsavaar-e-faatima

faatima raaz-e-mashiyyat hai.n to phir kaunain me.n

kaun hai jo ho sakegaa raazd-daar-e-fatima

chhe mahiine ba.ad hii sarkaar se jaa kar milii.n

rab ne puuraa kar diyaa yuu.n intizaar-e-faatima

jis jagah jibriil bhii tham-tham ke rakhte hai.n qadam

bazm-e-aalam me.n hai vo shaan-e-diyaar-e-faatima

aa.nkh ko nam kiijiye 'aalam-e-Gam-e-shabbiir me.n

sunnat-e-ahmad hai honaa Gam-gusaar-e-faatima

haa.n vahii shabbiir jo thaa shiir-KHvaar-e-faatima

ban gayaa hai ran me.n teG-e-aabdaar-e-faatima

karbalaa kaa Gam manaa.e.n Gam-gusaar-e-faatima

luT rahaa hai dasht me.n baaG-o-bahaar-e-faatima

KHuld kii huure.n tasadduq ho rahii hai.n har qadam

suu-e-jannat jaa rahaa hai shahsavaar-e-faatima

faatima raaz-e-mashiyyat hai.n to phir kaunain me.n

kaun hai jo ho sakegaa raazd-daar-e-fatima

chhe mahiine ba.ad hii sarkaar se jaa kar milii.n

rab ne puuraa kar diyaa yuu.n intizaar-e-faatima

jis jagah jibriil bhii tham-tham ke rakhte hai.n qadam

bazm-e-aalam me.n hai vo shaan-e-diyaar-e-faatima

aa.nkh ko nam kiijiye 'aalam-e-Gam-e-shabbiir me.n

sunnat-e-ahmad hai honaa Gam-gusaar-e-faatima