ہاں وہی شبیر جو تھا شیر_خوار_فاطمہ

ہاں وہی شبیر جو تھا شیر خوار فاطمہ

بن گیا ہے رن میں تیغ آبدار فاطمہ

کربلا کا غم منائیں غم گسار فاطمہ

لٹ رہا ہے دشت میں باغ و بہار فاطمہ

خلد کی حوریں تصدق ہو رہی ہیں ہر قدم

سوئے جنت جا رہا ہے شہسوار فاطمہ

فاطمہ راز مشیت ہیں تو پھر کونین میں

کون ہے جو ہو سکے گا راز دار فاطمہ

چھ مہینے بعد ہی سرکار سے جا کر ملیں

رب نے پورا کر دیا یوں انتظار فاطمہ

جس جگہ جبریل بھی تھم تھم کے رکھتے ہیں قدم

بزم عالم میں ہے وہ شان دیار فاطمہ

آنکھ کو نم کیجیے عالم غم شبیر میں

سنت احمد ہے ہونا غم گسار فاطمہ