میرا نام کرے گا روشن دو جگ میں نام تمہارا

سرکار یہ نام تمہارا سب ناموں سے ہے پیارا

اس نام سے چمکا سورج اور چمکا چاند ستارہ

ہوا ہر سو خوب اجالہ ہوا روشن عالم سارا

میرا نام کرے گا روشن دو جگ میں نام تمہارا

جب رب قدیر تمہاری کرے خود ہی مدح سرائی

ہر ایک کے لبوں پر پھر تو تعریف تمہاری آئی

سد شکر کے ذکر تمہارا رہے ہر دم ورد ہمارا

میرا نام کرے گا روشن دو جگ میں نام تمہارا

ہر وقت عطا پر ہم نے دیکھا ہے تمہیں تو مائل

در پاک پہ آیا جب بھی کیسا ہی کوئی سائل

اے رحمتِ عالم تم نے اسے کر ہی لیا ہے گوارا

میرا نام کرے گا روشن دو جگ میں نام تمہارا

سائل ہوں تیرے در کا ملے مجھ کو بھیک کرم کی

رکھ لاج اے میرے آقا اس میری چشم نم کی

کروں گنبد خضریٰ کا پھر آنکھوں سے اپنی نظارہ

میرا نام کرے گا روشن دو جگ میں نام تمہارا

جب روزِ قیامت ہر ایک بولے گا نفسی نفسی

اور داد کسی کی دے گا محشر میں جب نہ کوئی

ایسے میں عطا ہو مجھ کو اے شافعِ حشر سہارا

میرا نام کرے گا روشن دو جگ میں نام تمہارا

لہروں نے میری یہ کشتی ہرجانب سے ہے گھیری

سرکار خبر لو میری سرکار خبر لو میری

ملے مجھ کو عافیت کا میرے آقا جلد کنارا

میرا نام کرے گا روشن دو جگ میں نام تمہارا

جو مجھ پر بیت رہی ہے وہ کس کو کیسے بتاؤں

اور اپنے دل کی حکایت بھلا کس کو جاکے سناؤں

تم محرمِ راز ہو میرے میری داد رسی ہو خدا را

میرا نام کرے گا روشن دو جگ میں نام تمہارا

میری عرض خدا را سن لو میرے حال پہ مجھ کو نہ چھوڑو

ذرا اپنی چشمِ عنایت بے بس کی طرف بھی موڑو

بے کس کا تم ہو سہارا بے چارے کا تم ہو چارا

میرا نام کرے گا روشن دو جگ میں نام تمہارا

دو اپنے عشق کی دولت مجھے اپنی آل صدقہ

یہ ریاضؔ فقیرِ ازل سے تیرے در کا ہی ہے شاہ

تیرے دستِ عطا کے آگے دامن ہے اس نے پسارا

میرا نام کرے گا روشن دو جگ میں نام تمہارا