عرش بریں پہ آج دمکتا وہ نور ہے

عرش بریں پہ آج دمکتا وہ نور ہے

جس سے فروغ شمع سرِ کوہِ طور ہے

یہ آنکھیں اور اس کا نظارہ زہے نصیب

دربار انبیا میں جو صدرالصدور ہے

ہاں کیوں نہ ہو یہ نور ہے اس شاہ کا کہ جو

محبوب حق ہے شافع یوم النشور ہے

سلطانِ دیں کہ جس کے غلاموں کے واسطے

سب انتظام جنت و حور و قصور ہے

جنت کی سمت رخ نہ کروں آپ کے بغیر

حضرت کا ہوں گدا تو طبیعت غیور ہے

ممکن ہے مدح کس سے پھر اس ذات پاک کی

مدحت طراز جس کا خدائے غفور ہے