ساقیٔ_با_وفا منم دم ہمہ_دم علی علی

میں ساقیٔ باوفا ہوں، میری ہر سانس ہر وقت علی علی کا نعرہ لگاتی ہے، میں صاف دل صوفی ہوں جس کی ہر سانس میں علی علی کا ذکر ہے۔

میں عاشق علی مرتضیٰ ہوں، میں ہر سانس میں علی کو یاد کرتا ہوں، میں خوش الحان مغنّی ہوں جس کی ہر سانس میں علی علی کا نغمہ ہے۔

آدم صفی اللہ آپ ہی ہیں، حسنِ یوسف آپ ہی کا پرتو ہے، جادۂ حق کے خضر و رہنما آپ ہی ہیں کہ میری ہر سانس میں علی علی کی صدا ہے۔

عیسیٰ بن مریم آپ ہی ہیں، احمد ہاشمی آپ ہی ہیں، اسد اللہ غالب آپ ہی ہیں کہ میری ہر سانس میں علی علی کی صدا ہے۔

میرے شاہِ شریعت و پیر طریقت آپ ہی ہیں، حق تو یہ ہے کہ میری حقیقت آپ ہی ہیں۔ میری ہر سانس میں علی علی کی صدا ہے۔

سورج آپ ہی ہیں، چاند آپ ہی ہیں، بحر و بر آپ ہی ہیں، خشک و تر کے مالک آپ ہی ہیں، میری ہر سانس میں علی علی کی صدا ہے۔

حضرت رسولِ خدا کے ہم نفس سورج اور چاند کو لوٹا نے والے حضرت حسنین کے پدر بزرگوار آپ ہی ہیں، میری ہر سانس میں علی علی کی صدا ہے۔

حضرت نبی کریم نے ارشاد فرمایا کہ اے میرے ابن عم تمہارا گوشت میرا گوشت ہے، تمہارا خون میرا خون ہے میری ہر سانس میں علی علی کی صدا ہے۔

آیت انما کا خرقہ آپ کے زیب تن ہے لافتیٰ کا تاج آپ کے سر مبارک پر ہے اور شمس آپ کے قنبر کا غلام ہے میری ہر سانس میں علی علی کی صدا ہے۔