جب ہوئے جلوہ گر مالک بحرو بر خود قرینے میں سارا نظام آگیا

جب ہوئے جلوہ گر مالک بحرو بر خود قرینے میں سارا نظام آگیا

فرش کو مرتبہ اس قدر مل گیا آسماں کا زمیں کو سلام آگیا

اللہ اللہ نام حبیبِ خدا کتنا شیریں ہے اور کس قدر جاں فزا

پھول ہے کھل گئے لب سے لب مل گئے جب زباں پر محمدٌ کا نام آگیا

آرزو ہے یہی اے شہ دوسرا کاش اس طرح جاؤں میں پیش ِ خدا

دیکھ کر حشر میں مجھ کو سب یہ کہیں وہ رسولِ خدا کا غلام آگیا

اے صباؔ بہر تعظیم محبوبِ رب سب کھڑے ہوگئے صف بہ صف با ادب

کیا شجر کیا حجر کیا ملک کیا بشر ہر زباں پر درود وسلام آگیا