حمد و ثنا سے بھی کہیں اعلیٰ ہے تیری ذات

حمد و ثنا سے بھی کہیں اعلیٰ ہے تیری ذات

انسان کیا بیان کرے تیری کل صفات

دل ہیژدہ ہزار زمانوں کو کیا کہے

اک لفظ کن سے وضع کیے تو نے شش جہات

ہر برگِ گل میں تو نے سموئی الٰہیت

انسان کیسے سمجھے بھلا رنگِ درسیات

تیرا عطا کیا ہوا ہر دکھ بھی اے کریم

واللہ اہلِ عشق کو ہے جانِ محسنات

قطروں میں بحر نور، مسلسل ہے مؤجزن

ذروں کے قلب مشعلِ روحِ تجلیات

ذی روح رزق پاتے ہیں سینے میں سنگ کے

خود مشکلات ہیں ہمہ تن حلِ مشکلات

وہ بحر و بر ہوں آتش و گل ہوں کہ برق و باد

بخشی سبھی کو تو نے عبادت کی کیفیات

درِ یتیم عرش کے مہمان ہوگئے

نا ممکنات بھی ہیں تجھ عینِ ممکنات

حق بندگی کا کیسے ادا ہو صبیحؔ سے

انساں سے ماورا ہے ترا حسنِ التفات