آپ خیر الانام صاحب جی
آپ خیر الانام صاحب جی
اور میں ادنیٰ غلام صاحب جی
حق نے کونین پر کیا لازم
آپ کا احترام صاحب جی
انبیا مقتدی نہ کیسے ہوں
آپ جب ہیں امام صاحب جی
عرش قدموں کے بوسے لیتا ہے
اتنا اعلیٰ مقام صاحب جی
ابر رحمت کو کوئی اک چھینٹا
ہوں بہت تشنہ کام صاحب جی
دونوں عالم میں کام آتے ہیں
آپ کے پاک نام صاحب جی
دیجیے سوختہ نصیبوں کو
حاضری کا پیام صاحب جی
کاش سب کچھ ہی بھول جاؤں صبیحؔ
دل سے نکلے مدام صاحب جی
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
