اثر اس کا ہے یہ جو آپ نے تا دم دعا کی ہے

اثر اس کا ہے یہ جو آپ نے تا دم دعا کی ہے

’’مزارِ پیر محی الدین پر رحمت خدا کی ہے‘‘

خدا جوئی خدا یابی، خدا خواہی، خدا دانی

اسی دھن میں لگے رہنا یہ فطرت اؤلیا کی ہے

وزیرِ مملکت اللہ والوں کو کیا حق نے

اسی باعث تو مستحکم حکومت مصطفیٰ کی ہے

احد میں اور احمد میں الف کیوں ہے ذرا سمجھو

اب اس سے صاف ظاہر ہے یہ سب رنگت خدا کی ہے

وہی اول وہی آخر وہی ظاہر وہی باطن

سمجھنے کے لیے ہم کو ضرورت رہنما کی ہے

صدائے لا الہ از زمیں تا آسماں گونجی

یہ ایں کسبِ طریقت یہ کرامت اؤلیا کی ہے

الٰہی دامنِ نسبت نہ چھوٹے غوث اعظم کا

تڑپ کر صبرؔ آغائی نے یہ ہر دم دعا کی ہے