اے جلوہ گر ارض و سما قائم وقار، ہر جا تو عیاں ہے

اے جلوہ گر ارض و سما قائم وقار، ہر جا تو عیاں ہے

یہ سارے طلمساتِ جہاں تجھ سے غیاں ہے، تو جانِ جہاں ہے

نا عرض و جواہر ہے نا ہے تو مربع اور ناتو مدوّر

ناگردش و جنبش ہے مگر سب میں ہے دائر، کیا رقصِ کنا ں ہے

ہے نام تو بیچوں ہے مگر اصل میں باچوں، تو ہے بتِ عیار

ہر شے میں تو موجود ہے اے حاضر و ناظر، تو شاہِ بتاں ہے

نا جسم تو رکھتا ہے مگر تو ہے مجسم، اے ساحرِ عالم

گہ بود ہے نا بود ہے گہ سب سے ہے باہر، تو تجھ میں نہاں ہے

تو گلشنِ زیبا کا گل رنگ برنگی، اے دلبرِ زیبا

ہے تجھ سے بہارِ چمن اور ہوے جو قاہر، پھر بادِ خزاں ہے

دیکھا جو تجھے یوں کہ تو ہے شاید معنیٰ، ورنہ ہوا حیران

ہے خیر کہ تجھ دل میں ہے جا صادقؔ شہ کو، بے وہم و گماں ہے