محمد سر قدرت ہے کوئی رمز اس کی کیا جانے

محمد سر قدرت ہے کوئی رمز اس کی کیا جانے

شریعت میں تو بندہ ہے حقیقت میں خدا جانے

خدا و مصطفیٰ کی کنہ میں ادراک عاجز ہے

محمد کو خدا جانے خدا کو مصطفیٰ جانے

خدا نے صورت احمد میں جلوہ اپنا دکھلایا

بھلا پھر کس طرح سے کوئی ان کا مرتبہ جانے

ہوالاول ہوالآخر ہوالظاہر ہوالباطن

اسی کو ابتدا جانے اسی کو انتہا جانے

وہی ہے ایک دریا اور دوعالم اس کی موجیں ہیں

غریق بحرِ عرفاں ہو تو پھر یہ ماجرا جانے

محمد فی الحقیقت آفتابِ لایزالی ہے

اسی کے نور کا دونوں جہاں میں پرتوا جانے