اک نئی طرز کا لا فتیٰ ہے حسن

اک نئی طرز کا لا فتیٰ ہے حسن

کون لے گا خموشی سے کار سخن

آج سر سبز ہے فاطمہ کا چمن

آج دنیا میں تشریف لائے حسن

اپنی تصویر بیٹی کی آغوش میں

ہو کے خوش دیکھتے ہیں رسول زمن

مدح کا اس کی حق ہم سے ہوگا ادا

بندہ پرور اسے کہتے ہیں حسن ظن

اس کی غربت کا کس طرح اندازہ ہو

تھا جو اپنے وطن میں غریب الوطن

ان کا ہر دور میں ذکر جاری رہا

شمع روشن رہی انجمن انجمن

آج مدح حسن کے لیے اے سعیدؔ

میں نے آراستہ کی ہے یہ انجمن