مجھ کو سرکار نے مدحت میں لگایا ہوا ہے

مجھ کو سرکار نے مدحت میں لگایا ہوا ہے

میرے افکار پہ اک نور سا چھایا ہوا ہے

حجرۂ دل میں جلائی ہے جو توصیف کی لو

اس نے دل مطلعٔ انوار بنایا ہوا ہے

خوش نصیبی ہے کہ روضے کی زیارت کر لی

مجھ سی کمتر کو بھی طیبہ میں بلایا ہوا ہے

آپ کے وصل سے سرسبز ہے گنبد سارا

اسی رنگت نے اسے خوب سجایا ہوا ہے

کاش طیبہ کی گدائی کا شرف مل جائے

بس یہی شوق مرے دل میں سمایا ہوا ہے

نازؔ عاصی کو بھی رسوا نہ کیا آقا نے

میرے عیبوں کو بھی کملی میں چھپایا ہوا ہے