یا خدا دل میں رہے شوق_لقائے_محبوب

یا خدا دل میں رہے شوق لقائے محبوب

آرزو دید کی بر آئے برائے محبوب

لب پہ جاری رہے ہر لحظہ ثنائے محبوب

وقف توصیف رہے نطق برائے محبوب

سایۂ لطف و کرم ہے یہ دو عالم کے لیے

شوق سے رکھتے ہیں سب سر پہ ردائے محبوب

اس کے دینے میں مرا دست کرم شامل ہے

میں ہی دیتا ہوں مگر جس کو دلائے محبوب

مجھ کو ہر حال میں راضی بہ رضا رہنا ہے

غم رلائے کہ تری یاد ستائے محبوب

کیوں نہ محبوب ہوں کونین میں محبوب خدا

رب تعالیٰ صفیؔ جب اپنا بنائے محبوب