عشق_آقا قلب کے جزدان میں موجود ہے

عشق آقا قلب کے جزدان میں موجود ہے

جس کے صدقہ جاں تن بے جان میں موجود ہے

دیکھیے اسریٰ کی شب میرے نبیؐ کی ذات پاک

عظمتوں کے آخری ایوان میں موجود ہے

دل سے میرے کب گئی طیبہ کے گلشن کی مہک

پھول کی خوشبو ابھی گلدان میں موجود ہے

ظلم سہہ سہہ کے دعائیں کس نے دیں ہیں اس قدر

یہ تو خوبی بس شہ ذیشان میں موجود ہے

لاج اس سلمانؔ کی محشر میں رکھ لینا شہا

عیب پوشی آپ کے فیضان میں موجود ہے