کان عرب سے لعل نکل کر سرتاج بنا سرداروں کا

کان عرب سے لعل نکل کر سرتاج بنا سرداروں کا

نام محمد اپنا رکھا، سلطان بنا سرداروں کا

تیرا چرچا گھر گھر ہے، جلوہ دل کے اندر ہے

ذکر ترا ہر لب پر جاری، دلدار بنا دلداروں کا

روپ ہے تیرا رتّی رتّی، نور ہے تیرا پتی پتی!

مہر و مہ کو تجھ سے رونق، نور بنا سیاروں کا

امی گو سب کہتے تھے، علمِ لُدنی کا تھا علم!

راز بھرا تھا سینے میں، قرآن کے تیسوں پاروں کا

بو بکر و عمر عثمان و علی تھے چار عناصر ملت کے

کثرتِ وحدت میں ہے جیسے حال وہ تھا ان چاروں کا

کسبِ تجلیٰ کرتے تھے چاروں ایک ہی مہرِ نبوت سے

بخت رسا تھا برجِ شرف میں تیرے چاروں یاروں کا

بادۂ عرفاں دیتا ہے ساقی وحدت کے میخانے سے

شادؔ مقدر فضلِ خدا سے جا گا اب میخواروں کا