اے دو جہاں کے والی یکتا ہے کام تیرا

اے دو جہاں کے والی یکتا ہے کام تیرا

رب غفور تو ہے ، ہر احترام تیرا

داتا ہے اور خالق قادر ہے اور مالک

ہے سب پہ فضل باری اور فیضِ عام تیرا

مسجد کی ہر اذاں میں ناقوس کی صدا میں

اور شاخ پر پرندے لیتے ہیں نام تیرا

بندہ نواز تو ہے اور کارساز تو ہے

زیبا تجھے خدائی ارفع مقام تیرا

پروردگار تو ہے توفیق دے عمل کی

قرآن دے رہا ہے ہم کو پیام تیرا

دینا سے تنگ آکر آئے ہیں تیرے در پہ

بگڑی بنانے والے اب آگے کام تیرا

دامانِ آرزو کو اپنے کرم سے بھر دے

سر تاجؔ آسرا ہے ہم کو مدام تیرا