اللہ اللہ ارفع و اعلیٰ ہے کیا شانِ رسول

اللہ اللہ ارفع و اعلیٰ ہے کیا شانِ رسول

خالقِ کون ومکاں ہے خود ثنا خوانِ رسول

کون ہے جس پر نہیں عالم میں احسانِ رسول

ہے ازل سے موجزن دریائے فیضانِ رسول

مجمعِ اوصافِ محبوبی ہیں سرکارِ جہاں

جس کو دیکھو وہ ہوا جاتا ہے قربانِ رسول

سیرتِ خیرالورا تفسیر ہے قرآن کی

ہے خدائے پاک کا فرمان فرمانِ رسول

خاک کا بستر غذا جَو اور تکیہ اینٹ کا

یہ متاعِ زیست تھی اور یہ تھا سامانِ رسول

ہے حضورِ کبریا دن رات میری التجا

کر عطا یا رب مجھے اب نورِ عرفانِ رسول

مجھ سا عاصی بھی ہے نازاں ان کی شانِ عفو پر

مجھ پہ ہے سایہ فگن ستارؔ دامانِ رسول