اللہ اللہ ارفع و اعلیٰ ہے کیا شانِ رسول

اللہ اللہ ارفع و اعلیٰ ہے کیا شانِ رسول

خالقِ کون مکاں ہے خود ثنا خوانِ رسول

کون ہے جس پر نہیں عالم میں احسانِ رسول

ہے ازل سے موجزن دریائے فیضانِ رسول

مجمعِ اوصافِ محبوب ہیں سرکار جہاں

جس کو دیکھو، وہ ہوا جاتا ہے قربانِ رسول

سیرتِ خیر الورا تفسیر ہے قرآن کی

ہے خدائے پاک کا فرمان فرمانِ رسول

خاک کا بستر، غزا جو اور تکیہ اینٹ کا

یہ متاعِ زیست تھی اور یہ تھاسامان رسول

ہے حضورِ کبریا دن رات میری التجا

کر عطا یا رب مجھے اب نورِ عرفانِ رسول

مجھ سا عاصی بھی ہے نازاں ان کی شانِ عفو پر

مجھ پہ ہے سایہ فگن ستارؔ دامانِ رسول