سلطانِ بے نظیر شہنشاہِ بے مثال

سلطانِ بے نظیر شہنشاہِ بے مثال

تم تاجدارِ حسن ہو محبوب ذوالجلال

ممکن نہیں کہ ثانی ہو ایسے حسین کا

نورِ خدائے پاک سے جس کا ہو اتصال

جھکتے ہیں جس کے قدموں پہ اہلِ کمال سب

تم با کمال ایسے ہو اے صاحبِ کمال

ہر جلوۂ حسین تمہارا نظر نواز

تم سے ہی منسلک ہے ہر اک کیفِ وجد و حال

رو پشت آئینہ ہو تم اے سیدالبشر

کامل تمہارا عشق ہے اور حسن لا زوال

بن مانگے تم نے بخشا ہے سب کچھ مجھے حضور

دستِ طلب بڑھاؤں نہیں اب مری مجال

رو رو کے یاد کرتا ہے تم کو شہِ امم

بیمارِ غم تمہارا وہ ستارِؔ خستہ حال