حسنِ فروزاں، نور کا پیکر، اللہ اکبر اللہ اکبر

حسنِ فروزاں، نور کا پیکر، اللہ اکبر اللہ اکبر

سارا جہاں ہے جس سے منور، اللہ اکبر اللہ اکبر

جلوۂ قدرت چشمۂ رحمت، جانِ غریباں، مالکِ جنت

قاسِم کوثر، شافعٔ محشر، اللہ اکبر اللہ اکبر

سیرتِ قرآں، پرتوِ یزداں، کعبۂ عرفاں، قبلۂ ایماں

علمِ خدا کا منبع و مصدر، اللہ اکبر اللہ اکبر

فیضِ جمالِ ماہِ نبوت، نازشِ عالمِ فخرِِ رسالت

نبیوں کا سرور، خلق کا رہبر، اللہ اکبر اللہ اکبر

سیدِ دوراں، شاہِ مدینہ، مشک سے بہتر جس کا پسینہ

فیض و کرم میں سب سے بڑھ کر، اللہ اکبر اللہ اکبر

شانِ تبسم رشکِ گلستاں، موج تکلم، نکہتِ قرآں

فکر و نظر آئینۂ داور، اللہ اکبر اللہ اکبر

نعتِ نبی اور میری زباں پر، ان کا کرم ستارؔ ہے مجھ پر

اللہ اکبر اللہ اکبر اللہ اکبر اللہ اکبر