مرحبا صل علیٰ یہ عز و شانِ مصطفیٰ

مرحبا صل علیٰ یہ عز و شانِ مصطفیٰ

سجدہ گاہِ قدسیاں ہے آستانِ مصطفیٰ

چاہنے والے ہیں ان کے عرشِ عالیٰ کے قریب

اللہ اللہ یہ مقامِ عاشقانِ مصطفیٰ

جلوۂ خالق یہاں ہے ذرے ذرے میں نہاں

بڑھ کے ہے خلد بریں سے یہ جہانِ مصطفیٰ

ہے ثنا خواں اس لیے ان کا خدا قرآن میں

بالا تر تھی فہمِ انساں سے جو شانِ مصطفیٰ

راس آئیں زاہدو! تم کو حرم کی رونقیں

ہے سرِ ستارؔ وقفِ آستانِ مصطفیٰ