حسیں ہو نازنیں ہو دل نشیں ہو

حسیں ہو نازنیں ہو دل نشیں ہو

سراپا نورِ رب العٰلمیں ہو

حریم ناز میں تم جلوہ گر ہو

تمہیں تو زینتِ عرشِ بریں ہو

تمہارے حسن پہ شیدا ہے خالق

کہ تم اک پیکرِ نورِ مبیں ہو

حبیبِ کبریا، سلطانِ عالم

تمہیں تو رحمت اللعٰلمیں ہو

جسے دیکھو وہ عاشق ہے تمہارا

ہر اک عاشق کے دل میں تم مکیں ہو

تمنا ہے نکل جائے مرا دم

تمہارے در پہ جب میری جبیں ہو

دلِ ستارؔ میں کوئی نہیں اب

بس اک تم ہی شہِ دنیا و دیں ہو