حمد خدا کے بعد ہے مدحت رسول کی

حمد خدا کے بعد ہے مدحت رسول کی

ہے الفتِ خدا ہی میں الفت رسول کی

زیبا ہے مصطفیٰ ہی کو اللہ کی ثنا

معلوم ہے خدا ہی کو عظمت رسول کی

یہ حامد خدا ہیں وہ مداحِ مصطفیٰ

پنہاں ہے شانِ حق ہی میں شوکت رسول کی

نورِ خدا سے نورِ محمد کا ہے ظہور

خالق سے اپنی ملتی ہے صورت رسول کی

روزِ ازل سے حق نے کیا آپ کو نبی

اللہ کو تھی کتنی ضرورت رسول کی

قرآں کا لفظ لفظ ہے مدحت رسول کی

واللہ کس قدر ہے یہ عزت رسول کی

میری زباں میرا قلم کیا بیاں کرے

اللہ جانتا ہے حقیقت رسول کی

ہر قوم کی لیے انہیں رحمت بنا دیا

قرآن میں رقم ہے یہ عظمت رسول کی