شب_معراج گیسوئے_معین_الدین چشتی ہے

شب معراج گیسوئے معین الدین چشتی ہے

ہلال عید ابروئے معین الدین چشتی ہے

مقاصد بر لے آنا اور ملانا عید کو رب سے

ہمیشہ سے یہی خوئے معین الدین چشتی ہے

نہ دامان نگہ ہی ہے گل نظارہ سے مملو

مرے ہر رگ میں بھی بوئے معین الدین چشتی ہے

فنا فی الشیخ کی معنی بہر صورت ہے آئینہ

جدھر دیکھوں ادھر روئے معین الدین چشتی ہے

نہ کیوں اہل صفا کو حج ہو میرے چار چشمی سے

نظر میں کعبۂ روئے معین الدین چشتی ہے

سدا روضہ کے زائر مردمک پائے نظر سے ہے

نہیں دم ہے رواں سوئے معین الدین چشتی ہے

برآمدگاہ ہے شان مقدس کا مرا دیدہ

فقط سینہ نہیں کوئی معین الدین چشتی ہے

مقاصد کیوں نہ ہو دارین کے مجھ کو وطن حاصل

زبان پر نام نیکوئے معین الدین چشتی ہے