Sufinama

تاجِ سر اچھا نہ حسنِ سیم وزر اچھا لگا

شبنم کمالی

تاجِ سر اچھا نہ حسنِ سیم وزر اچھا لگا

شبنم کمالی

MORE BYشبنم کمالی

    تاجِ سر اچھا نہ حسنِ سیم وزر اچھا لگا

    دل کو میرے بس نبی کا سنگِ در اچھا لگا

    گنبدِ خضرا سے ہٹ کر پھر کوئی تخصیص کیوں

    ابتدا تا انتہا طیبہ نگر اچھا لگا

    طالبانِ نورونکہت یوں توہیں لاکھوں مگر

    جلوہ فرما جس میں ہیں آقا وہ گھر اچھا لگا

    عکسِ پائے مصطفیٰ کا یہ بھی ہے اک آئینہ

    اہلِ دل کو اس لیے حسنِ قمر اچھا لگا

    خلق کا سردار اور خالق کا بندہ مان کر

    جھُک گیا جو آپ کے قدموں میں سر اچھا لگا

    جس میں روشن ہو شہِ طیبہ کی الفت کا چراغ

    اہلِ ایماں کو وہی قلب وجگر اچھا لگا

    آرزو ،حسرت، تمنا دل میں آئی تو بہت

    مجھ کو طیبہ کا مگر ذوقِ سفر اچھا لگا

    فیصلہ آقا کا ٹھکرایا تو گردن مار دی

    خالقِ اکبر کو یہ فعلِ عمر اچھا لگا

    روضۂ اقدس نبی کا دیکھ کر جو تھم گیا

    میری آنکھوں میں وہی نورِ نظر اچھا لگا

    یاد میں آقا کی ٹپکا اشک آنکھوں سے اگر

    بن کے دامن میں وہی رشکِ گہر اچھا لگا

    سلسلہ اشکوں کا پہنچا روضہِ محبوب تک

    دل کو شبنمؔ کا یہ اندازِ سفر اچھا لگا

    مأخذ :
    • کتاب : صہبائے عقیدت (Pg. 94)

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    بولیے