خالق نے کیا بے مثل تمہیں اے فخر بشر اے پیارے نبی

خالق نے کیا بے مثل تمہیں اے فخر بشر اے پیارے نبی

مختار ہو تم محتاج ہیں ہم بس ایک نظر اے پیارے نبی

تاریکیٔ غم کے ماروں کو ہلکی سی جھلک بھی کافی ہے

روشن ہیں تمہارے جلوؤں سے خورشید وقمر اے پیارے نبی

دنیا میں تمہارا فضل وکرم ہر وقت ہے ہم ناداروں پر

محشر میں بھی لینا ہم سب کی لللہ خبر اے پیارے نبی

اللہ نے دی معراج تمہیں ہر چیز پہ بخشا راج تمہیں

نادان ہے جو کہتا ہے تمہیں محبور بشر اے پیارے نبی

ہم گیت تمہارا گائیں گے انعام خدا سے پائیں گے

جلتا ہے اگر تو جل جائے دشمن کا جگر اے پیارے نبی

تو ہین تمہاری کرنے کو بوجہل ہزاروں پھرتے ہیں

ظاہر ہوزمانے میں کوئی پھر مثل عمر اے پیارے نبی

ہونٹوں پہ تمہارا کلمہ ہو آنکھوں میں تمہارا نقشہ ہو

جب دارِ بقا کی جانب شبنمؔ کا ہوسفر اے پیارے نبی