اگر روضہ نبی کا دیکھ پاتے اپنی آنکھوں سے

اگر روضہ نبی کا دیکھ پاتے اپنی آنکھوں سے

تو ہم اجڑے ہوئے دل کو بساتے اپنی آنکھوں سے

پہنچ جاتے کسی صورت اگر دربارِ مولیٰ میں

تو جو کچھ دل میں ہے، وہ کر دکھاتے اپنی آنکھوں سے

جو وہ ہوتے کرم فرما جو وہ تشریف لے آتے

بٹھاتے دل کے پردے میں، چھپاتے اپنی آنکھوں سے

دم آخر کسی صورت نظر ان پر جو پڑ جاتی

تو اپنی عاقبت ہم خود بناتے اپنی آنکھوں سے

حضوری میں بلاتے وہ تو ہوتے سر کے بل حاضر

ہر اک نقشِ قدم پر، بچھتے جاتے اپنی آنکھوں سے

شبِ اسریٰ یہی پیغام تو جبرئیل لائے تھے

ذرا آتے، ہمیں تو دیکھ جاتے اپنی آنکھوں سے

خدا کرتا کہ رستے میں مدینے کے پڑے رہتے

قدم ہر ایک زائر کے لگاتے اپنی آنکھوں سے

خدا سا میزباں ان کا وہ ان سا میہماں حق کا

نہ کیوں زوح الامیں آکر جگاتے اپنی آنکھوں سے

جبینِ شوق کے سجدوں سے راہِ طیبہ طے کرتے

سمجھتے خاک کو سرمہ لگاتے اپنی آنکھوں میں سے