جو عاشق_جمال_حبیب_خدا نہیں

جو عاشق جمال حبیب خدا نہیں

قسمت میں اس کی حضرت حق کی لقا نہیں

اللہ کے حبیب کا جو مبتلا نہیں

ایمان کا اسے کوئی حصہ ملا نہیں

اے بندہ پرور اب تو کرم کی نگاہ ہو

تیرے سوا کسی کا مجھے آسرا نہیں

جن کو شفاعت شہ کونین میں ہے شک

بس بس ہمیں تو ان سے کوئی واسطا نہیں

کیا کھل رہے ہیں پھول مدینہ کے باغ میں

کیا گشت اس طرف کو ترا اے صبا نہیں

کس گل میں بو نہیں گل رخسار یار کی

وہ کون سا چمن ہے جو اکبرؔ بسا نہیں