بخدا زندۂ جاوید سے کُشتا تیرا

بخدا زندۂ جاوید سے کُشتا تیرا

دم بھرا کرتے ہیں دن رات مسیحا تیرا

دیکھتے حسن اگر حضرتِ موسیٰ تیرا

حشر تک ہوش میں لاتا نہ تماشا تیرا

شور محفل میں اٹھا صل علی کا ہر سو

دل سے جب نام زباں پر مری آیا تیرا

امتی کہتے ہیں بندہ مجھے مولا تجھ کو

اس طرح ذکر ہوا کرتا ہے میرا تیرا

سرو و شمشاد سے طوبیٰ سےمجھے کیا ہے غرض

کھپ گیا ہے مرے دل میں قدرِ عنا تیرا

اس طرح سے مری آنکھوں میں سمایا ہے تو

مجھ کو ہر شے میں نظر آتا ہے جلوہ تیرا

حشر کے روز ہو قیصرؔ یہ عنایت کی نظر

اے شہِ عرش نشیں یہ بھی ہے بندا تیرا